ورقــــــة شفرة

Layer > Duplicate Layer > OK

Layer > Duplicate Layer > OK

Layer > Duplicate Layer > OK

وبعدين

Flip Horizontal

وبس...

البوستر خلص...

الانتاج مش قادر يجيب اكتر من خوذة واحدة , نعمل ايه!!!!!!!!

صورتـــــــــــــــــــــــــــــــــنا كلنا

سيبكو من ان غلاف مجلة يبقى متركب دى حاجة عيبة فى حقك الممثل او المطرب مش المجلة

لكن هو فعلا احجام الوجوه كده معقولة ولا تحسوا انهم جايين من الفضاء الخارجى

وخصوصا برنس الغناء تامر حسنى اللى وشه عامل زى ET

الفوتوشوب ... منتهى اللذة

انا معنديش مشكلة فى ان ريتوش retouch الوش يبقى فيها غلط... دى مسألة اذواق بس المهم مايبانش بلاستيك اوى كده

لكن المشكلة الحقيقية فى بقية ذراع منة شلبى... لو كان متغطى بشال يبقى على الاقل يكتبوا عليه انه شال لحسن ضعاف النظر زيي كتير

وكمان لو شال ياريت يقولونا فين بقيته او بقية ايديها

الشبح الشبح الشبح

بس عايز اعرف تطبيقا لمبدأ الضل والنور العتيق تفتكروا الضوء جاى من عند السهم ده ولا السهم ده

حد يفهمنى الضل ده جاى كده ازاى؟؟

جاى فى السريع

A من المنظور ده المفروض الرجل البعيدة صغيرة والراس القريبة كبيرة وبالنسبة والتناسب على الاقل الراس محتاجة تكبر مرة ونص

B المفروضيكون بيبص على البطل عشان نحس احنا ان الصورة حقيقية

C يعنى لما هو فيه اشارات نور الناحية التانية لازم يبقى فيه الناحية دى ولا بعد حسن حسنى النور قطع

D خط اشارات النور البعيدة تم ترحيله شوية ناحية الشمال فسابلنا الفجوة دى

انا مش معاهم

NO COMMENT

بس الكائن الفضائى اللى ذراعه مطاطى اللى على الشمال ده اكيد اكيد مش حايسكت

90 دقيقة

المدير: ايه ده ... حد يركب الوش على الشعر على الجسم كده؟؟؟

المصمم: والله عيب كوافير!!!!!

المدير: *&%^%#%#&*&**

المصمم: الله يسامحك

فى محطة مصر

-هو ماسك الكوفية فعلا؟؟

-اكيد يعنى امال ايه اللى فى ايده دى؟

- ولا حاجة فى ايده

(طب هو ماسك ولا مش ماسك؟؟ ولو ماسك صباعه السبابة معوج كده ليه؟ المصمم مارجعوش مكانه صح بعد ما ماسكه الكوفية)

45 دقيقة

الارت ديركتور: حط هشام سليم على الجسم ده

مصمم الجرافيك: حاضر... بس مش نحطله رقبة ؟؟؟

الارت ديركتور: يا عم انجز ... هى الناس حاتشوف الفيلم ولا البوستر

مصمم الجرافيك: طب عزت ابو عوف مش كده وشه كبير وطوييييييل قوى

الارت ديركتور: مش ممكن..انت لسه شغال فى البوستر ده؟؟ قدامك 45 دقيقة

كبر الجى وروق الدى

الاستاذ اللى عمل البوستر مش يظبط الHUE بتاع وش احمد مكى ولا يكبر الG

جرافيك صناعى

متفرج 1: ح اقولك (فى) حاجة... الفيلم ده مشكلة ... احمد حلمى جامد جدا

متفرج 2: هو جامد بس كان حايبقى اجمد لو راسه فوق رقبته مش جنبها

متفرج 1: حاحكيلك (فى) موضوع... دى مش باينة قوى المشكلة اسنان عزت ابو عوف اللى مش موجودة

متفرج 2: يا راجل ده عجوز وتلاقيه سنانه وقعوا فى الغيبوبة اللى كان فيها

اضحك... كركر

بصوا هوا الموضوع مش شخصى... بس ممكن اعرف رجل ياسمين عبد العزيز بتعمل ايه هنا

يعنى لو حطت رجليها جنب بعضها تفتكروا حيبقوا قد بعض؟؟؟؟

والله بجد مفيش مشكلة بينى وبين رجلين اى حد... بس فين بقية رجل حسن حسنى؟؟